Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

wokoło porsta zwić/wić {někoho} [něchtó (sej) někoho wokoło porsta zwije/wije]
`někomu z lochkosću swoju wolu nanuzować´ | `jemanden mit Leichtigkeit zum Nachgeben bringen´ jemanden um den kleinen Finger wickeln

Wörterbuchbelege

so wokoło porsta wić dać (Rězak 680); koho wokoło porsta wić (NHS 1, 386)

přikłady z literatury

"A hórje hišće budźe, naš direktor ..." "Je kruty?" "Je a njeje. Štóž móže jeho wašničku wutrjechić, tón móže jeho wokoło porsta wić." (Ćišinski, ZSĆ 6, 323) Ale wokoło porsta zwić so Měrćin Klieman njeda, ně, ženje nic. Wón z toho njerjada wuńdźe, a štóž jeho znaje, tón wě, zo dokonja ze wšeho něšto sčinić. (Wornar, Opium 24) Wona drje sej mysli, zo móže jeho přeco kaž jerjowu dušku wokoło porsta zwić. (Bjeńšowa, Tučel 70)

wróćo