Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
z porstom ‹porstami› pokazować {na někoho} [něchtó na někoho z porstom ‹porstami› pokazuje]
`na někoho zjawnje pokazować, kiž je normy zranił, jeho wohańbić, zasudźować´ | `auf jemanden, der gegen Normen verstoßen hat, öffentlich tadelnd hinweisen, ihn beschämen´ mit dem Finger auf jemanden zeigen
wróćo
`na někoho zjawnje pokazować, kiž je normy zranił, jeho wohańbić, zasudźować´ | `auf jemanden, der gegen Normen verstoßen hat, öffentlich tadelnd hinweisen, ihn beschämen´ mit dem Finger auf jemanden zeigen
přikłady z literatury
Hakle hdyž pokazowaše na jeho niske brune črije, zapřimny, zo drje budźeja bórze wšitcy na njeho z porstom pokazować a sej brjuchi dźeržeć. (Koch, Mjez mostami 79) "To pak bychu ludźo bórze na naju z porstom pokazowali, hdy by ze mnu tak dołho po swěće ćahała." (Koch, Mjez mostami 77) Nadźijmy so, zo zwonka Serbow so nichtó njedohlada toho, kak smy jako narod z wótčincom Smolerjom k jeho 175. narodninam zanjechawajcy dźerželi. By nam hišće falowało, zo bychu we swěće z porstom na nas pokazowali! (Rozhlad 1991, EK) Ale kak tam woči na mnje wuwalowachu, so smějo z porstami na mnje pokazowachu, zo njewědźach, hdźe woči před nimi zastajić, zo to tola njebych widźał. (Radlubin, Kwasarjo 31) Chiba chceš, zo rjaneho dnja cyła wjes z porstami na nas pokazuje? (Jurk, Wjes 168)
wróćo