Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
na poslednjej trunje hrać ‹piskać, škrabać, być› [něchtó na poslednjej trunje hraje ‹piska, škraba, je›]
`1. w jara hubjenym stawje być´ | `1. in elendem Zustand sein´ auf dem letzten Loch pfeifen; Matthäi am Letzten sein
wróćo
`1. w jara hubjenym stawje być´ | `1. in elendem Zustand sein´ auf dem letzten Loch pfeifen; Matthäi am Letzten sein
Wörterbuchbelege
na poslednjej trunje hrać (Pfuhl 755; Kral 624; Trofimowič 330); być na poslednjej truni (Radyserb, Hrona 66); na poslednjej trunje škrabać (NHS 2, 32); piskać na poslednjej trunje (Radyserb, ČMS 1908, 100)
přikłady z literatury
1. Wěrće mi, Napoleon piska hižo na poslednjej trunje, rjekny Krakowič, a hišće lětsa budźe jemu jeho hordy duch złamany. (Ćišinski, ZSĆ 6, 45) Nowuš tykaše jemu hižo měšk z tobakom a rěčeše: "Jowle sebi natykaj, tobakej je hišće rada, runjež ludźo praja, zo Matej hižo na poslednjej trunje piska. Ale Matej chce jim hišće zuby pokazać. [...]" (Zalěski, Rjekowje 269) Tam bě wosebne towarstwo. Knježi najenk, kiž tež hižo na poslednjej trunje škrabaše, někajki z města wuhnaty pisar a něšto podobnych kumpanow. (Předźenak 1903, 20, KNHS)
wróćo