Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
do puća (so) stupić ‹so stajeć, stupać, [kniž] přichadźeć› {někomu} [něchtó (so) někomu do puća stupi ‹so staja, stupa, přichadźa›]
`zadźěwk za někoho stworić, jeho wot něčeho wotdźeržeć´ | `jemanden von etwas abhalten, sich jemandem entgegenstellen´ sich jemandem in den Weg stellen
wróćo
`zadźěwk za někoho stworić, jeho wot něčeho wotdźeržeć´ | `jemanden von etwas abhalten, sich jemandem entgegenstellen´ sich jemandem in den Weg stellen
přikłady z literatury
"Njechodź, Jurko luby!" Płačo stupa jom do puća. (Ćišinski, ZSĆ 2, 91) Přećelnje so posměwaca holca w módrej uniformje stupi jimaj do puća: zo dyrbitaj najprjedy formality zrjadować [...]. (Brězan, Krabat 266) Hižo dawno bě sej předewzał, mjez nimaj wottwarjować te zadźěwki, kotrež běchu tu byli z toho dnja, na kotrymž bě jemu tutón nan do puća stupił. (Wornar, Pjeršćeń 7) "Chcu lětać", zawoła myška z wótrym hłosom, "byrnjež dyrbjała hač do Čorneho młyna po křidła běžeć." A hižo bě wona z dwora. Žurk spěchaše za njej, přesćahny ju a stupi so jej do puća. "Nječin to", wón ju prošeše. (Čornakec, Myška 32/33) Jenož, Bosćijo, ja so ći wjace do puća stajeć njebudu. (Kubašec, Serbin 2, 304) Hižo zaso mi do puća přichadźeš? (Ćišinski, ZSĆ 7, 153)
wróćo