Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

rosć kaž rěpa (hdyž přimokuje) [něchtó rosće kaž rěpa (hdyž přimokuje)]
`něchtó spěšnje rosće (zwjetša wo dźěšću)´ | `jemand wächst sehr schnell´

Wörterbuchbelege

rosć kaž rěpa, hdyž přimokuje (Radyserb, Hrona 84)

přikłady z literatury

Michał a Hanka rosćeštaj kaž rěpje, a najmłódši Pawoł poča do šule chodźić. (M. Nawka, Na běrnach 55) Hana Kěžnikowa zdychny znowa, a potom jemu powědaše wo małym Handriju -- "rosće kaž rěpa" -- a wo Wóršulce, "před tydźenjom je prěni zubičk dóstała" -- wo swojim žiwjenju a małych wšědnych starosćach, wo podawkach we wsy a wo wjele druhim, wo čimž chcyše Kěžnik wědźeć. (Brězan, Jančowa 230)

wróćo