Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

za jedyn ‹samsny› postronk ćahnyć ‹ćahać› ({z někim}) [něchtó (z někim) za jedyn ‹samsny› postronk ćehnje ‹ćaha›]
`hromadźe dźěłać za zhromadny zaměr´ | `zusammenarbeiten´ an einem Strang ziehen

Wörterbuchbelege

za jedyn postronk ćahnyć z kim (Rězak 497)

přikłady z literatury

Ty sy mi dał tójšto lunka, zo bych so přiwučił nowym poměram a nowej wokolinje, ale potom sym so walił do dźěła, a wot toho časa zaso hromadźe ćahamoj za jedyn postronk. (Njechorński, Bobak-Wšudźebył 81) Čěscy lěwicarjo druhdy jara zwažliwje k němskim towaršam jězdźachu. Ćahachu za samsny postronk. (Kubašec, Hwězdy 183) Trjebaše jeho tola za swoje mustwo, a mustwo je z muži, kotřiž wšitcy za jedyn postronk ćahnu, dokelž chcedźa dobyć. (Wornar, Dypornak 80) Ale wo tym Kětan ničo njepraji, hdyž tež wo tym rěčeše, zo je dźensa bóle hač hdy prjedy trjeba, zo wšitcy za jedyn postronk ćahnu. (Šołta, Statok 153) Ale što to wučini, hdyž ćehnjetaj mandźelskaj za samsny postronk, hdyž namakataj harmoniju nimo swójskeho, swójbneho žiwjenja w čiłym towaršnostnym dźěle. (Nd 1985)

wróćo