Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

před woči stajeć/stajić {někomu} {něšto} [něchtó někomu něšto před woči staja/staji]
`někomu něšto předstajeć, wuwědomić´ | `jemandem etwas schildern, bewusst machen´ jemandem etwas vor Augen führen

Wörterbuchbelege

před woči stajeć (Kral 555); před woči stajić/ stajeć (NHS 1, 413)

přikłady z literatury

Něšto krótkich mysličkow a wěrnosćow chcu wam w krótkich sadach před woči stajić a nadźijam so, zo so wam jasne a razne słowa do wutrobow zaryja a zo sebi je lubosćiwje sobu domoj wozmjeće. (Ćišinski, ZSĆ 9, 142) Zdaše so jemu, kaž by prědar runje na njoho był čakał, zo by jemu zańdźene žiwjenjo do šlebjerdkow a nitkow roztřasliwši w špihelu před woči stajał. (Radlubin, Legendy 62) W cyłku pak dyrbi so prajić, zo je so Kochej poradźiło, cyłu tamnu ćmowu dobu fašizma znowa nam před woči stajić [...]. (Młynkowa, Wóčko 69/70) Je trjeba, sej dimensije tajkeho wulkeho přilubjenja kaž tež fantastiske materielne a duchowne wukony industrijoweje doby před woči stajeć, zo bychmy rozumili trawma ludźi našeho časa, jako počachu pytnyć, zo so tajke přilubjenja njespjelnjeja. (Rozhlad 1994, EK)

wróćo