Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

za chribjetom ‹tyłom›
`skradźu, bjez něčeje wědy´ | `heimlich, heimtückisch´ hinter dem Rücken

Wörterbuchbelege

rěčeć za tyłom (za chribjetom) (Radyserb, ČMS 1908, 104); za chribjetom (NHS 1, 515)

přikłady z literatury

Rozmjerzała je mje naležnosć z prof. Mukowym listom, rozpišće mi cyłu wěc nadrobnje, zo wěm, na čim sym a kak so mi za chribjetom pječe a wari. (Ćišinski, ZSĆ 13, 177) Abo su so ptački něhdźe do kuta schowałe, zo bychu so mi za chribjetom wošćěrałe? (Radlubin, Kwasarjo 16) Susodni knježkojo rěkachu jemu, wězo jenož za chribjetom, "kral pusćiny". (Iselt, Bitwa 41)

wróćo