Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

zyma woběhuje/woběhnje {někoho}
`někoho huška (ze strachom, z grawanjom, ze zymu), něchtó dóstanje husacu kožu´ | `jemanden schaudert es, jemand bekommt eine Gänsehaut´ jemandem läuft es kalt den Rücken herunter

Wörterbuchbelege

mje zyma woběhuje (Rězak 608); zyma koho woběhuje (NHS 1, 241)

přikłady z literatury

Čas swojeho žiwjenja do tajkich přiwěrkow ničo dźeržał njejsym, tola nětkole mje póčnje zyma woběhować. (Ćišinski, ZSĆ 6, 29) "Je tam štó?", so prašach. Žana wotmołwa, -- jenož zymny nócny wětr mi do wobliča duješe, zo mje zyma woběhowaše. (Radlubin, Legendy 74) A jeli so dopomniće, da so zawěsće tež dopomniće na kónc woneho přinoška ze złowěšćenjom, zo mjenujcy čłowjeka zyma woběhnje, myslo na to, kak byštej na přikład při tajkim přeserbšćowanju Windhund abo Himmelhund serbsce rěkałoj. (Rozhlad 1990, EK)

wróćo