Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

wulkej ‹wulke› woči činić ‹sčinić› ({na někoho, něšto}) [něchtó wulkej ‹wulke› woči čini ‹sčini› (na někoho, něšto)]
`so dźiwać´ | `sich wundern´ (große) Augen machen

Wörterbuchbelege

činić wulkej woči (na tu wěc) (Radyserb, ČMS 1908, 90); wulke woči činić (Kral 686); wulkej woči činić (Rězak 101)

přikłady z literatury

Po njej wostanje rady wšitke pjeć porstow na licu, a to je wostudłe. Hdyž wozboženy so do ludźi wobroći, činja wulke woči na njeho; zda so jemu, kaž by kóždy so prašeć chcył: "Što čerwjeni so nazdala a přebłyskuje wosrjedźa?" (Radlubin, Plista 4/5) Skoro kóždy ma dźens elektriku, a naši pradźědojo bychu wulke woči činili a njebychu sej wuličić móhli, što ma to wšo předstajić, zo lute tajke wysoke šćežory po wsy steja a zo je kóžda chěža tež z grotom k tajkemu šćežorej přiwjazana kaž kruwa na rjećazu ke kortu abo wonka na pastwišću ke kolikej abo k štomej. (Słodeńk, Listy 152) Po rjanych dožiwjenjach wobhladachu sej dźěći město Budyšin. Wulke woči činjachu na přikład, hdyž hladachu na nachilenu Bohatu wěžu. (SN 1994) Angelika bě tehdy sčiniła wulkej woči. (Wornar, Pjeršćeń 6)

wróćo