Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

měć darniwu ‹wotewrjenu› ruku [něchtó ma darniwu ‹wotewrjenu› ruku]
`šćedriwy być´ | `freigebig sein´ die Spendierhosen anhaben

Wörterbuchbelege

měć darniwu ruku (Radyserb, Hrona 75)

přikłady z literatury

Ale skupi njejsu, ducy po puću porjedźeja škleńčku kóždemu, komuž so zechce, wšak wědźa, zo so tole dani: Dešnjenjo dźensa maju darniwu ruku. (Njechorński, Bobak-Wšudźebył 140) Dokelž pak měješe za chudych ludźičkow smilnu wutrobu a potajkim darniwu ruku, běše jej cyła wjes dobra. (Radyserb, Nowe trójniki 28) Wón budźe wam we wšěm spomóžny, štožkuli njech potrjebaće. Ma stajnje wotewrjenu ruku za nas studowacych Serbow. (Kubašec, Serbin 1, 189) Cyłe serbske burstwo wědźeše, zo inspektor w Lubošću wotewrjenu ruku ma. Kóžde lěto běchu burja do Lubošća po rěpowe rostliny jězdźili. (Krawc, Što 18)

wróćo