Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

z wjerchom ‹wuhenjom› wujěć [něchtó z wjerchom ‹wuhenjom› wujědźe]
`so rozzłobić´ | `wütend werden´ aus der Haut fahren

Wörterbuchbelege

z wjerchom (wuhenjom) wujěć (Kral 661); z wjerchom wujěć (Rězak 82, 317; NHS 1, 492); wujěć z wjerchom (Trofimowič 392)

přikłady z literatury

A hdyž dyrbiš so přeco a přeco jenož wobarać, to skónčnje jónu sprostnješ -- abo z wjerchom wujědźeš. (Bjeńšowa, Monika 14) "Poprawom dyrbjał nětko z wjerchom wujěć" -- wón započa rjejić -, "a to ja tež budu, jeli so tajke něšto hišće raz stanje! Rozumiš?" (Ludźo a mysle 92) Wón chodźeše na mulerstwo, spěwaše w "Lipje", měješe kruty rjap, bě wjesoły a žortniwy, ale wujědźe tež spěšnje z wjerchom. (Brězan, Protyka 119)

wróćo