Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

(so) wulce činić [něchtó (so) wulce čini]
`so naduwać, so hordźić´ | `prahlen, angeben´ auf den Putz hauen; große Bögen spucken

Wörterbuchbelege

so z čim wulce činić (Kral 350); wulce činić (Zeman 550); so wulce činić (NHS 1, 128)

přikłady z literatury

We wulkej rěce Nilu w Egyptowskej hižo dawno žanych krokodilow wjace njewuhladaš, wšě su zwottřělane, nic tohodla, dokelž ludźom nimoměry wjele škody načinjachu -- to so jenož jara porědko sta, a jědojte muchi a kuntwory su tam wjele wjetša čwěla --, ale dokelž mějachu to bohaći ludźo za wosebje rjany sport, t. r. wjeselo, tak wjele hač bě móžno krokodilow zezatřěleć, jeničce tohodla, zo bychu so z tym doma wulce činić móhli. (Šěca, Čłowjek 83) "W korčmje ma kóždy, kiž płaći, prawo być!", wobroći so młody Hanuš na korčmarja, wućahny wulce činjo pjenjezy ze zaka swojeho elegantneho, šěroko wutykaneho zymnika a ćisny dwaceći hriwnow na tejku. (Brězan, Jančowa 180) "My wšak so w našich wjesnych woblekach tež wulce činić njemóžemy", jeho Bosćij podpěraše. (Kubašec, Serbin 1, 318)

wróćo