Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

z wutrobu ‹z wutroby› dobry być {někomu, něčemu} [něchtó je někomu, něčemu z wutrobu ‹z wutroby› dobry]
`někoho, něšto jara lubować´ | `jemanden, etwas sehr lieben´ jemandem von Herzen gut sein

přikłady z literatury

Haj wšitcy ludźo praja, zo je mój dwór rjany. Sym tež jemu z wutrobu dobry. (Radlubin, w: Krajan 1915, 55, KNHS) Zhladał bě sebi ju rady, dokelž bě nahladna žónska, a woprawdźe bě jej tež z wutrobu dobry. (Radyserb, Zabawki 60)

wróćo