Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
žanu wutrobu ‹žaneje wutroby› njeměć [něchtó nima žanu wutrobu ‹žaneje wutroby›] pejor
`nječućiwy, njesmilny być´ | `gefühllos, unbarmherzig sein´ kein Herz haben
wróćo
`nječućiwy, njesmilny być´ | `gefühllos, unbarmherzig sein´ kein Herz haben
přikłady z literatury
Kohož tajka rjanosć njejima a njehnuje, štóž so njezačuwa hłuboko hnuty z tajkej krasnosću, tón žaneje wutroby nima. (Šěca, Čłowjek 57) Hłowny antagonist młodeho basnika Horliwika njeje titulna wosoba, "stary Serb" Jurij Starc, kotryž je při wšěm sonjenju wo rjanej zańdźenosći muž krutych wotpohladow a woporniwych skutkow; Horliwikowi kontrahenća su skerje wučer Mudroch a adwokat Hubak -- po starobje mužej w srěnich lětach a přichodnaj swakaj Horliwika -- a Starcowy bratr Jan, kiž žaneje wutroby nima a wšitke čuća spjenježni, a lěnjuški parazit Kóžnik. (Ćišinski, ZSĆ 7, 263/264) Potom so wona nadobo na njeho ćisny, zadwělowana zapłaka: "Siggijo, nimaš žanu wutrobu?" (Młynkowa, ZS 1, 343)
wróćo