Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

za kornar wzać ‹hrabnyć› {někoho} [něchtó někoho za kornar wozmje ‹hrabnje›]
`někoho hrubje popadnyć, přimnyć´ | `jemanden grob anpacken´ jemanden am Kragen packen; jemanden beim Schlafittchen nehmen

Wörterbuchbelege

koho za kornar wzać (Kral 167); za kornar hrabnyć (NHS 2, 539)

přikłady z literatury

Potom přińdźe hitlerska wójna, wza tež mje za kornar a na pjeć lět wotwjedźe z domizny. (Njechorński, Bobak-Wšudźebył 62) To Pětr hišće widźeše, dyrbješe dźě runu šćežku dale do šule běžeć, hačrunjež by rady hólčeca za kornar wzał. (Kubašec, Wětry 16) Chelpak njedorěča, hrabny překlepanca za kornar a hroznje z nim zachadźeše. (Ćišinski, ZSĆ 6, 336) Hdyž so naš redaktor-wučomnik přez wćipnych přetłóči [...] hrabny jeho stary měšćanski policaj za kornar [...]. (Grojlich, Na wsy 138)

wróćo