Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

na lochke (ramjo) wzać/brać {něšto} [něchtó něšto na lochke (ramjo) wozmje/bjerje]
`něšto (někajki nadawk) podhódnoćić´ | `etwas (eine Aufgabe) unterschätzen´ etwas auf die leichte Schulter nehmen

Wörterbuchbelege

na lochke (ramjo) brać, wzać (Pfuhl 343; Kral 212); na lochke ramjo brać (NHS 2, 20); na lochke ramjo wzać, brać (NHS 2, 267); na lochke brać (Zeman 202)

přikłady z literatury

Njebjer sebi na lochke ramjo! (Ćišinski, ZSĆ 7, 152) Hólcaj njejstaj hišće tak daloko, zo móhła so na njeju spušćeć, a wón sam bjerje wšo na lochke ramjo a čini wšitko po połojcy. (Słodeńk, Listy 66) "Čehodla sće to činił?", wopraša so před nim stejo wostawši. "Dokelž njebjeru to na lochke ramjo." (Koch, Mjez mostami 94) Za někotrych je to zawěsće česć, druzy zaso wozmu to na lochke ramjo. (SN 1999)

wróćo