Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

groćany konik ‹wosoł, wóslik›
`(jězdne) koleso´ | `Fahrrad´ Drahtesel

přikłady z literatury

Za pućowacych, kotřiž přijědu k Budyskemu dwórnišću z kolesom, su so móžnosće wotstajenja groćaneho konika chětro polěpšili. (SN 2005) Hdyž žno w lětnim počasu njewobswětlenosć "groćaneho wosoła" njeje kawalěrski delikt, da w zymskim docyła nic. (SN 1996) Chce-li sej něhdźe dojěć, šwiknje so na sedło swojeho groćaneho wosoła a mócnje tepta do kočowóčkateju pedalow. (Wornar, Wajchtar 93) Nic podarmo "ćisnu" so tohodla tež mnozy ze sobustawow Domowinskich skupin na swoje "groćane wósliki", zo bychu sej wobhladali we wobłuku skupinskeho wulěta swoju rjanu domiznu. (Nd 1984)

wróćo