Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
měć wóčko {za něšto} [něchtó ma wóčko za něšto]
`něšto derje posudźować móc´ | `etwas gut beurteilen können´ ein Auge haben für etwas
wróćo
`něšto derje posudźować móc´ | `etwas gut beurteilen können´ ein Auge haben für etwas
přikłady z literatury
Wonaj běštaj přećelej byłoj z dźěćacych lět, běštaj hromadźe w Baćonec zažnych krušwach sydałoj, hromadźe w rěce raki a pjerski łójiłoj, běštaj hromadźe na prěnju přazu a -- lěto pozdźišo -- prěni raz na kermušne reje šłoj, běštaj w samsnym mustwje Sokoła zwučowałoj a so na samsnym dnju woženiłoj, a mały blidar z jeničkej tružawu bě połć runje tak ćeńko na tołste pomazki kłasć dyrbjał kaž pilny, sylny skałar, kiž měješe wosebite wóčko za kamjeń. (Brězan, Hanuš 2, 150/151) Nimale štwórć lětstotka je Měrćin Pjetaš hižo aktiwny hrajer a je sej w tutych mnohich lětach zdobom w kruhu serbskich koparjow a jich přiwiska daloko a šěroko znate mjeno zdobył jako ekscelentny technikar, kotryž zamóže wustojnje wjesć w srjedźnym polu nitki, ma prima wóčko za situaciju a tež na najwušim rumje wě přećiwniskich hrajerjow z fintami wuhrać. (Nd 1984)
wróćo