Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

swojimaj wočomaj njewěrić ‹wěrić nochcyć› [něchtó swojimaj wočomaj njewěri ‹wěrić nochce, njecha›]
`so jara dźiwać´ | `sehr erstaunt sein´ seinen Augen nicht trauen

Wörterbuchbelege

njewěrić swojimaj wočomaj (Radyserb, Hrona 81)

přikłady z literatury

Přišedši bliže, dohlada so na woprawdźite wotežki, schili so, kaž by swojimaj wočomaj njewěrił, potom so na wšě strony wobhladny, hač traš jeho něchtó wobkedźbuje, přimny připasanu wotežku, pruwujo pozdaću jeje krutosć -- zawi z hłowu, wupluny, wobeńdźe sanje a konjej, hač stej to tej samsnej abo što, a něšto mjelčo sej bórbolejo ćehnješe trochu stuleny skónčnje ze zakuzłaneho blaka. (A. Nawka, Flinta 31/32) Bosćij bě stanył, zo by so rozžohnował, a skoro swojimaj wočomaj njewěrješe, hdyž widźeše, zo so Kralowej we wočomaj přeradnje błyšći. (Kubašec, Serbin 2, 35) A Mikławš Nerli so spodźiwaše a njechaše skoro swojimaj wočomaj wěrić. (Radlubin, w: KP 1914, 177, KNHS) Ale swojimaj wočomaj njechach wěrić, hdyž čitach přisłodźenje na mnje, kotrež bě něhdyši sobuwojowar a "dobry Serb" trjeba měł, stasi zapodać. (Rozhlad 1996, EK)

wróćo