Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

na ‹we› wšěch róžkach
`wšudźe´ | `überall´ an allen Ecken und Enden

Wörterbuchbelege

na wšěch róžkach (NHS 1, 326)

přikłady z literatury

A kak by swět bjez mozow wobstał? So tak hižo na wšěch róžkach pjeru a kusaja, a runje ći najbóle, kotřiž maja najwjetše mozy. (Ćišinski, ZSĆ 6, 210) Na wšěch róžkach faluja pjenjezy, ale zwotkel je brać? (SN 1992) Iselt pak jeno njeswěći w swojich powědančkach do kutow rozpadowaceho a we wšěch róžkach pikotaceho knježkowstwa. (Iselt, Bitwa 168) Potom torhnje jeho něchtó k zemi, dokelž prěni cuzy jěcharjo so jewja we wšěch róžkach, kaž zo bychu z wjerškow štomow padali, na konju a z brónju, nahle, na njewidźomne, njesłyšomne wašnje. (Koch, Nepomuk 153)

wróćo