Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

hubu zamknyć ‹zawrěć› [něchtó hubu zamknje ‹zawrěje›]
`womjelknyć´ | `verstummen´

přikłady z literatury

Hač by kóždy roboćan hubu zamknył, hdy by hajnik so za ćěkancom prašał? (Kubašec, Serbin 2, 133) Hdyž Šćěpanowič k blidu přistupi, hdźež so francoscy wyši rozrěčowachu, zawrěchu so nadobo kóždeho huby, a wšitcy wobroćichu so na krasnu, šwižnu postawu Šćěpanowiča, dóńž so Fournier njepozběhny, jemu ruku njeposkići a tele sławne słowo njewupraji [...]. (Ćišinski, ZSĆ 6, 61)

wróćo