Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

palc ‹palcy› tłóčić ‹dźeržeć› {někomu} [něchtó někomu palc ‹palcy› tłóči ‹dźerži›]
`někomu wuspěch přeć´ | `jemandem Erfolg wünschen´ jemandem die Daumen drücken ‹halten›

Wörterbuchbelege

komu palc dźeržeć (Kral 311, Rězak 232); palcy tłóčić komu (NHS 1, 483)

přikłady z literatury

Wčera dóstach wot konsistorija připis, zo jutře biskop přijědźe šulu rewidować. Ach, hdy pak budu prěni króć zaso w měrje wusnyć móc? Dźeržće palc. (Ćišinski, ZSĆ 13, 325) Tohodla tež w italsko-turkowskej wójnje l. 1911 Arabam w Tripolisu palc dźeržeše a w Balkanskej wójnje l. 1912/13 steješe wšón na stronje Čornohorjanow, hdyž tući Turkam stalětnu křiwdu wotpłaćowachu. (Njechorński, Wardar 160) Hdy bychu spěwarjo wědźeli, zo so wo jich wučerstwo starosću, mjeztym zo bych jim palc tłóčił za poradźenje spěwanja, bychu drje so dźiwali. (Kubašec, Wětry 52) Postrowiwši wobeju, chcyše nimo njeju, ale Nukec nan ju popadny. "Tłóč palc, Jěwička, dźe wo Jakuba", ju poprosy. (Kubašec, Serbin 3, 100) Hižo nětko tłóču jemu palcy, zo w nachwatanskej hrě jutře wječor přećiwo Union znowa dobudźe. (SN 2000, EK)

wróćo