Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

wo šiju (a na ‹wo› hłowu)
`njejapcy, bjez trěbneho přihotowanja´ | `überstürzt´ Hals über Kopf

Wörterbuchbelege

wo šiju (Pfuhl 713), wo šiju a wo hłowu (Pfuhl 204); wo šiju a na hłowu (Kral 106)

přikłady z literatury

"To su pruscy kěrasěrojo", wuprasny třepotajo, zawróći so a ćěrješe wo šiju dom. (Ćišinski, ZSĆ 6, 276) Sy hišće jara młoda, Jěwička, to je wěrno. Nas dla so wo šiju rozsudźić njetrjebała. (Kubašec, Serbin 1, 278) A potom dźěchu te nócne hawrony k tomu zarjadej a přihladowachu, kak nastróženi přistajeni wo šiju na hasu ćěkaja. (J. Wićaz, Nós 2, 154/155)

wróćo