Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

hładki kaž ‹jako› špihel ‹hladadło›
`jara hładki, runy´ | `sehr glatt, eben, spiegelglatt´

Wörterbuchbelege

špihelhładki, kaž špihel hładki (NHS 2, 291)

přikłady z literatury

Dale kročo přińdźech na městno, hdźež žane kerki na haćenju njerosćechu, a přede mnu ležeše dołha a šěroka wódna runina bjeze wšěch rostlin, hładka kaž špihel a w měsačkowym swětle so zybolaca, kaž by slěborna była. (Šěca, Čłowjek 56) Měješe plěch hładki kaž špihel a kulowate žatkowobličo. (Brězan, Christa 244) Dróha bě hładka kaž špihel, tuž dach swojemu woclanemu konikej ćěrić, štož móžeše. (Njechorński, Wot wčerawša 16) Sypaj na železko wósk a sel, to budźe hładke jako špihel. (SH 1890, EK) Jězor běše hładki kaž hladadło. (Njechorński, Wardar 101)

wróćo