Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
ruć/zaruć ‹zarjejić› kaž (štapjeny, zranjeny) ćělc [něchtó ruje/zaruje ‹zarjeji› kaž (štapjeny, zranjeny) ćělc]
`wótře ruć, rjejić´ | `laut brüllen´ brüllen wie ein Stier
wróćo
`wótře ruć, rjejić´ | `laut brüllen´ brüllen wie ein Stier
přikłady z literatury
Hižo stupach k aeroplanej, sydach so do njeho a bjerjech božemje wot swojich wjesnjanow. "To so zlě skónči!", we mni něšto powědaše, ale sedźach runje kaž na kózliku a běch sej kruće na zuby kusnył. Kara zadyrkota, zaru kaž štapjeny ćělc, skakaše po łuce a zběhaše so do wyšin. (Wornar, Wajchtar 154/155) Nadobo měješe feldwebl swoje hrajki nadosć, wón ćisny Mauricej rjećaz mjezwoči a štapaše z dwora. Při wrotach torhny wón bjez zadźerženja kroka swoju pistolu wyše ramjenja, wupraska seriju do powětra a wošćěraše so kaž błudny -- pozdźišo praji Tobiaš, wón je ći ruł kaž ćělc, a Maurice rjekny, wón je so do cholowow srał a při tym bječał. (Brězan, Stary nan 21) Mój Běgar so zapyri kaž kawdron, žiłki na šiji a na čole so nabubnichu, zo so bojachmy, zo so puknje, a nadobo zarjeji na mnje kaž zranjeny ćělc: [...]" (Iselt, Brěmješko 60)
wróćo