Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

(kaž) na štryčku měć ‹dźeržeć› {někoho} [něchtó ma ‹dźerži› někoho (kaž) na štryčku]
`někomu stajnje přikazować, jemu swobodu njewostajić´ | `jemanden gängeln´ jemanden am Gängelband führen

Wörterbuchbelege

na štryčku měć (Kral 606); na štryčku měć někoho (Trofimowič 319)

přikłady z literatury

Su-li dźěći wotrostłe, njedźerž je kaž na štryčku; spožč tež jim tu swobodnosć, kotruž kóždy čłowjek w tych lětach trjeba a žada. (SH 1887, EK) Dóńdźe po dalši běrtl -- a ja mějach zaso holcy na štryčku dźeržeć. (Grojlich, Młode lěta 96) Wona so tež chwalobnje wupraji wo dirigenće, kotryž měješe swojich spěwarjow a swoje spěwarki dospołnje na štryčku. (Nd 1985)

wróćo