Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

na (židźanej ‹ćeńkej, poslednjej›) nitce wisać [něchtó, něšto na (židźanej ‹ćeńkej, poslednjej›) nitce wisa]
`we wulkim straše być´ | `in großer Gefahr sein´ an einem seidenen Faden hängen

Wörterbuchbelege

na židźanej nitce wisać (Kral 653; NHS 1, 478); na ćeńkej nitce (Trofimowič 149); jenož hišće na židźanej nitce wisać (NHS 2, 601)

přikłady z literatury

Takle profetowe žiwjenje na židźanej nitce wisaše, a pawk bu jemu z wumóžnikom. (Šěca, Čłowjek 165) Wězo, woni maja móc, a žiwjenje mnohich z nas wisa na židźanej nitce. (Měrćink, Čerty 87) Doniž nas eses w horšći dźerži, wisaja wšě naše spjećowanske předewzaća na židźanych nitkach. (Měrćink, Čerty 85) Dalši poprawny studij blond studentki wisaše nadobo jenož hišće na ćeńkej nitce. (Husličkar 169) Njezwěri pak sej to tym njemdrym starym rjec, wón, kiž ze swojim něhdy zemjanskim kubłom na poslednjej nitce wisaše. (Kubašec, Koło časow 46) Tak wuhlada ju skónčnje syn, kotrehož žiwjenje před někotrymi hodźinami jenož na nitce wisaše a kiž móžeše tež nětko jenož z přećelom pod pažu do smjertneje stwy, z kwětkami kuzłokrasnje wupyšeneje, zastupić. (SN 1927, KNHS)

wróćo