Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
ze žiwjenjom woteńć ‹wuńć› [něchtó ze žiwjenjom woteńdźe ‹wuńdźe›]
`žiwy ze strašneje situacije wućeknyć´ | `lebend aus einer großen Gefahr entkommen´ mit dem Leben davonkommen; mit heiler Haut davonkommen
wróćo
`žiwy ze strašneje situacije wućeknyć´ | `lebend aus einer großen Gefahr entkommen´ mit dem Leben davonkommen; mit heiler Haut davonkommen
Wörterbuchbelege
ze žiwjenjom woteńć (Kral 934); ze žiwjenjom woteńć ‹wuńć› (Rězak 611)
přikłady z literatury
Někotryžkuli bohaće nakładźeny wóz bu wosrjedź lěsow abo we hłubokich pućach wuprózdnjeny, a wóznicy móžachu wo zbožu rěčeć, hdyž ze žiwjenjom woteńdźechu. (Kubašec, Bosćij Serbin 2, EK) Wojeŕski łazenk, kiž bě hnydom wobeju přepytał, bě měnił, zo móžetaj ze žiwjenjom woteńć, ale zo dyrbitaj dołho ležeć. (Nowak-Kašćanski, Čěski nan, EK) Poda so, zo Feliks z nimaj, swojimaj najlěpšimaj přećelomaj dźěćacych lět, cyłu dołhu nóc hromadźe sedźeše, hdyž bě hižo jasne, zo palerski mišter ze žiwjenjom woteńdźe. (Brězan, Hanuš 1, EK) Hdyž wróćo mysliš, hakle wěš, kajke zbožo sy měł, zo sy ze žiwjenjom wotešoł we wójnje. (Budar, Tež ja mějach zbožo 125)
wróćo