Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

za měsačkom ‹zady měsačka› (žiwy) być [něchtó je za měsačkom ‹zady měsačka› (žiwy)]
`njeinformowany być´ | `uninformiert sein´ hinter dem Mond leben

Wörterbuchbelege

za měsačkom być (Trofimowič 119)

přikłady z literatury

"Hm", rjekny francoski Pietschmann, kiž bě wosebje wjesołeje mysle, dokelž běchu so wčera w burskich nowinach Trixyneho přichodneho nana prašeli, kak sej to mysli: tajki wustojny bur, tajke funkcije -- a we wsy chce za měsačkom žiwy być. (Brězan, Christa 278) Hdyž so telefonist wopraša, hdźe maja wěcy pósłać, so Berlinski rozkazowar na njeho rozhněwa, hač je za měsačkom žiwy, hač njewě, hdźe rjekowska 20. SS-diwizija přećiwo bolšewikam wojuje bój na žiwjenje a smjerć. (Měrćink, Čerty 294) "Ale kašporko, móžeja da naše klanki wšě prawje němsce, tak kaž za dźiwadło?" "Sy za měsačkom, wowka, wšak hraja w lěću na zahrodźe tež němskim dźěćom." (Młynkowa, ZS 1, 66) "Ale my smy jeho jako prěni měli!", praji Koza. Wón mysleše tu na prěnju zetkanku z Dypornakom na sportnišću. To běchu holcy hišće šikwanje daloko zady měsačka byli. (Wornar, Dypornak 62)

wróćo