Sorabistika pó droze – Serbski institut swěśi 75 lět sorabistiskego slěźenja

Z casnikaŕskeju konferencu jo Serbski institut na 18. decemberje 2025 we Budyšynje wótwórił jubilejne lěto “75 lět sorabistiskego slěźenja”. Su pśedstajili swóje plany za jubilej w lěśe 2026. Zrownju z tym su wózjawili internetowy bok z wěcej ako 40 pórucenjami we rěźe “Sorabistika pó droze”.

We jubilejnem lěśe daju sobuźěłaśerje instituta luźam póglědaś do swójich slěźenjow k rěcy, historiji a kulturje Serbow. Tomu słužy rěd “Sorabistika pó droze”.

Ten program jo myslony za towaristwa, muzeje a dalšne kulturelne kubłanišća w Sakskej a Bramborskej. Hynac gronjone: My pśiźomy k Wam, mimo togo aby Wam kosty za drogu abo honorar nastali. Bitujomy Wam pśednoski wót wuměłstwa, kultury a rěcnych wósebnosćow we Łužycy kaž teke wjeźenja a tšojenja, źož móžośo aktiwnje sobu gótowaś.

• pśeglěd pórucenjow z rědu “Sorabistika pó droze” (z pomocu formulara móžośo se direktnje napšašowaś)