Lětopis – Casopis za sorabistiku a pśirownujuce mjeńšynowe slěźenje
www.lětopis.de
Serbski institut wudawa „Lětopis” ako interdisciplinarny periodikum na pólu sorabistiskego a humanistiskego slěźenja. Casopis jo se załožył w lěśe 1952. Wón se wudawa wót lěta 2023 online a z pódtitelom “Casopis za sorabistiku a pśirownujuce mjeńšynowe slěźenje”. Pśiwzete artikele wózjawiju se online, kuždy wósebje (a ze swójskeju DOI), a slědkoju teke wšykne gromaźe we śišćanej formje ako lětna publikacija.
Archiw
W dobje wót 1992 do 2022 jo wujšeł Lětopis z pódtitelom Casopis za rěc, stawizny a kulturu Łužyskich Serbow. Archiw Lětopisa jo tuchylu w natwari. K dispoziciji stoje južo mjazy 2008 a 2022 wózjawjone zešywki. Wudaśa, kótarež su se mjazy 1992 a 2007 wózjawili, se tam póněcom wudopołnjuju. W slědujucej lisćinje namakajośo nachylnje bibliografiske pódaśa, zapiski wopśimjeśa a źělnje teke zapise awtorow toś tych publikacijow. Starše pśinoski Lětopisa (z casa do 1990) su w cytarni Serbskeje centralneje biblioteki digitalnje pśistupne.