Spise Serbskego instituta
W toś tom interdisciplinarnem rěźe monografijow pśedpołožuju sobuźěłaśerje / sobuźěłaśerki Serbskego instituta a dalšne sorabisty z tu- a wukraja běžnje wuslědki swójich slěźenjow. Wót lěta 2026 (zwězk 73) wujźo rěd Spisow pla Barlinskego wědomnostnego nakładnistwa Frank & Timme. Publikacije nakładuju se dermotnje a licho pśistupne we formje open access, mimo togo ako śišćane wudaśa.
Rěd Spisow Serbskego instituta wuchada wót nowozałoženja Serbskego instituta w lěśe 1992. Spise su pókšacowanje rěda spisow, kótaryž jo pśedchadnik instituta, Institut za serbske ludoslěźenje, mjazy 1954 a 1990 wudałał (dogromady 58 zwězkow; wót lěta 1992 se znowego licy). W Spisach wózjawjaju se nowe slěźaŕske wuslědki wó rěcy, stawiznach a kulturje Serbow kaž teke z pśirownujucego mjeńšynowego slěźenja. Pisma dokumentěruju slěźeńsku źěłabnosć Serbskego instituta rowno tak ako konference. Pśiwzeju pak se teke eksternje nastate slěźaŕske a kwalifikaciske źěła, kótarež se zarěduju do slěźeńskego spektruma Serbskego instituta. Rěd spisow jo wujšeł až do lěta 2025 (zwězk 72) pla Ludowego nakładnistwa Domowina w Budyšynje.
