|
|
|
|
|
NEUIGKEITEN | PERSONALIA | TERMINE | RETROSPEKTIVE | IMPRESSUM
|
|
   
|
|
|
|
|
|
Lube čitarki a lubi čitarjo,
|
|
krótko do jutrow chcemy na prěnje měsacy lěta zhladować. Započało je so tute z wjacorymi knižnymi premjerami (w Małym rjedźe wuńdźeštej čisle 35 a 36 a w spisach Serbskeho instituta čisło 71), pokročowanjom zhromadneho rjadu čitanjow "Njewuhojeny swět. Zničenje a wobnowjenje w bajce" při Drježdźanskej TU, ze zjawnymi přednoškami, z dźěłarničkami a zašły tydźeń z podijowej debatu wo indigenosći Serbow. Derje wopytanej běštej tež Dźeń archiwow spočatk měrca a konferenca wo cyrkwinskich stawiznach z titulom "Budyšin, Praha, Rom". Jako Serbski institut wobdźělimy so runja druhim na iniciatiwje "Happy Monday Bautzen | Wjesoła póndźela Budyšin", jako znamjo zhromadnosće, tolerancy a wjesela. Mjezynarodny flair budźe so w instituće zaso šěrić, hdyž w lěću ke kursej za serbsku rěč a kulturu přeprosymy. Nětko pak přeju Wam wjesołe jutry!
|
Zastupowaca direktorka, dr. Susanne Hozyna
|
|
|
|
|
|
|
Mjezynarodny lěćny kurs za serbsku rěč a kulturu – Přizjewjenja su hač do 15. meje móžne!
|
|
|
|
Dwulětnje přeprošuje Serbski institut na lěćny kurs, lětsa wot 12. do 27. julija, po zwučenym wašnju w rumnosćach Serbskeho gymnazija w Budyšinje. Wobdźělnicy su nimo slawistow, studenća slawistiki z tu- a wukraja a powšitkownje na serbšćinje zajimowani. Woni zanurja so do kultury a rěče hornjoserbskeje Łužicy.
|
|
|
|
|
|
Digitalizaciski centrum startował
|
|
Z nowym lětom zahaji digitalizaciski centrum swoje dźěło. Startuje jako štyrilětny projekt, kotryž so přez strukturne srědki spěchuje. Prěnje lěto słuži koncepcionelnym dźěłam, ale tež natwarej infrastruktury a personala kaž tež přihotej pilotoweje fazy. Tučasnje pytamy programěrowarja » wupisanje. – Digitalizaciski centrum twori wažny stołp cyłkowneje strategije Serbskeho instituta k wobšěrnej inwentarizaciji, digitalnemu předźěłanju a spřistupnjenju serbskeho kulturneho herbstwa. K tutomu ličimy wobstatki Serbskeho kulturneho archiwa a Serbskeje centralneje biblioteki, kaž tež archiwalije z druhich institucijow. Nimo pisomnych žórłow ma so tež šěroki spektrum wot filmow, zwukowych magnetowych paskow, muzikalijow hač k 3D-objektam z wobłuka muzejow digitalizować.
|
|
|
|
Tśidimensionalne jatšowne jajka za register serbskego kulturnego derbstwa
|
|
|
|
|
|
|
|
|
Historiska gramatika za Serbski kulturny archiw
|
|
Z antikwariata w měsće Kiel kupi Serbski institut w februaru za Serbski kulturny archiw rukopisny wotpisk "Serbskeje gramatiki" z lěta 1805 wot Handrija Lubjenskeho. Wuznam a wobsah Lubjenskeje gramatiki wopisa rěčespytnica dr. habil. Sonja Wölkowa w swojej knize wo stawiznach serbskich gramatikow. » cyły přinošk
|
|
|
|
|
|
Dla twarskich dźěłow w magacinach wot 8. apryla hač do 6. meje dyrbja wužiwarjo biblioteki a archiwa z tym ličić, zo njemóžemy wšitke knihi, nowiny, časopisy a dokumenty po zwučenym wašnju předpołožić. Prošu wobhońće so do Wašeho wopyta, hač móžemy Wašim přećam wotpowědować!
|
Wotewrjenski čas:
Póndźelu – srjedy: 9 – 16 hodź.
Štwórtk: 9 – 18 hodź. (zeleny štwórtk hač do 16 hodź.)
Pjatk: zawrjene
biblioteka-archiw@serbski-institut.de
telefon: 03591 4972-15 (čitarnja)
|
|
|
|
|
|
Nowosći na dolnoserbskem rěcnem portalu:
|
|
|
|
|
Konferenca wo imaterielnym kulturnym herbstwje
|
|
|
|
|
|
Serbski institut přihotuje konferencu "Kulturelle Diversität in der Forschungs- und Beratungspraxis zu immateriellen Kulturerbeformen", 24./25. oktobra w Choćebuzu. Namjety za přinoški su witane hač do 15. apryla » call for papers.
|
|
|
|
Druhe koło ewaluacije na serbsko-němskich 2plus-šulach
|
|
|
|
|
|
|
|
|
Budyšin, Póstowe naměsto, 17:00 - 19:00 hodź.:
|
|
Happy Monday Bautzen – Wjesoła póndźela Budyšin
|
|
Serbski institut zhromadnje z dalšimi
|
|
|
|
02.05.2024
|
koncert & rozmołwa
|
|
SLUB Drježdźany, žurla Klemperera, Zellescher Weg 18, 19:00 hodź.:
|
z Jakob Ullmannom, ensemble unitedberlin & hosćimi
zhromadne zarjadowanje Serbskeho instituta a SLUB
|
|
|
|
|
Poznań, uniwersita Adama Mickiewicza:
|
|
Swoboda kiwa! Serbja a mjeńšinowe prašenje po 1918
|
|
|
|
|
Jemjelnica, 15:00 hodź, referentka: dr. Susanne Hozyna:
|
|
Der Wendenkönig | Serbski kral – Von der Wirkung gut erzählter Geschichte(n).
|
|
Zawod do wustajeńcy "Der Wendenkönig und Panuschka. Eine sorbische Sage aus Jamlitz"
|
|
|
|
17.06.2024
|
rjad institutnych přednoškow
|
|
Budyšin, prof. Klaus Neumann předstaji swoju nowu knihu:
|
|
Blumen und Brandsätze. Eine deutsche Geschichte 1989–2023 (wuńdźe hišće w aprylu w nakładnistwje Verlag Hamburger Edition)
|
|
|
|
12.-27.07.2024
|
lětni kurs
|
|
Serbski gymnazij Budyšin:
|
|
Mjezynarodny lětni kurs za serbsku rěč a kulturu
|
|
zarjadowany wot Serbskeho instituta
|
|
|
|
29.08.2024
|
rjad institutnych přednoškow
|
|
Smolerjec kniharnja, Budyšin, 19:00 hodź, knižne předstajenje:
|
|
Sorbische Filmlandschaften | Serbske filmowe krajiny (wud. Grit Lemke, Andy Räder)
|
|
hlej tež rubrika "publikacije" deleka
|
|
|
|
|
|
Serbska debata: Co comy byś - indigene, awtochtone abo hyšći něco drugego
|
|
|
|
Livestream "Serbskeje debaty" z 20. měrca jo pśistupny online na bokach Załožby za serbski lud. Ta južo tśeśa debata togo podiumowego rědu jo nastała we zgromadnem źěle Sakskeje krajneje centrale za politiske kubłanje, Serbskich Nowinow a Załožby za serbski lud ze Serbskim institutom. » cytajśo dalej
|
|
|
|
Cyrkwinostawizniska konferenca z wulkim wothłosom
|
|
Něhdźe 75 připosłucharkow a připosłucharjow je přeprošenje na mjezynarodnu konferencu "Budyšin, Praha, Rom. Splećenja a interakcije w cyrkwinskich stawiznach centralneje Europy" wot 14. hač do 16. měrca do Budyšina sćěhowało. Běše to zhromadne zarjadowanje Karloweje uniwersity w Praze a Serbskeho instituta w Budyšinje, ze spěchowanjom Němsko-Čěskeho fondsa přichoda. Konferencny zběrnik so přihotuje. » dale čitać
|
|
|
|
|
|
Z Maćičnym mytom wuznamjenjeny
|
Młodymaj wědomostnikomaj Serbskeho instituta spožči so 9. měrca na hłownej zhromadźiznje Maćicy Serbskeje Myto Arnošta Muki 2023. Marleen Schindler a Evan W. Bleakly požadaštaj so nimo dalšeju absolwentow wo Maćične myto a je dobyštaj. K tomu wutrobnje gratulujemy! » dale čitać
|
|
|
|
|
|
Dźeń archiwow w Serbskim kulturnym archiwje
|
|
Něhdźe 50 zajimcow přichwata 3. měrca, na Dźeń archiwow do Serbskeho kulturneho archiwa. Lětuši moto cyłoněmskeho akciskeho dnja, na kotrymž so w Budyšinje tež měšćanski a statny filialny archiw wobdźělištej, steješe pod motom "Jěsć a pić". » dale čitać
|
|
|
|
|
|
Podiumowe rozgrono k filmoju "Žałosći nam Łužyca" (1990)
|
|
Kulturna wědomnostnica dr. Jenny Hagemann jo we februaru we Wjažy bramborsko-pšuskeje historije w Pódstupimje pó pśedstajenju dokumentarnego filma Pětša Rochy "Žałosći nam Łužyca" powědała wó rozestajenjach pśi pśesedlenjach glědajucy na mjeńšynowe a ludnosćowe pšawa. » cytajśo dalej
|
|
|
|
|
|
Digitalizaciske projekty instituta - tema community Wikipedije
|
|
Zastupniki nimskorěcneje Wikipedije su se prědny raz ze Serbskim institutom rozgranjali wó tom, kak móžo se serbska rěc a kultura pśedstajaś na tej znatej a wažnej platformje wěźenja. Rozgrono jo se wjadło we online-formaśe "GLAM digital". Etnolog Serbskego instituta dr. Robert Lorenc jo dał zawjeźenje do tematiki. 15 awtorkow a awtorow jo měło pótom góźbu pšašanja stajaś a teke ideje za dalšne projekty Serbskego instituta na pólu digitalizěrowanja wugroniś. Powědało jo se wó dalšnych formatach publicěrowanja, kótarež se góźe k tomu, aby zgromadnje serbsku tematiku na platformje widobnjejšu wucynili.
|
|
|
|
Nahrawanja rjadu čitanjow "Njewuhojeny swět" hač do kónca lětnjeho semestra přistupne
|
|
W zymskim semestrje 2023/24 zarjadowa Serbski institut (organizacija: dr. Juliane Rehnoltowa, dr. Susanne Hozyna) zhromadnje z Drježdźanskej techniskej uniwersitu rjad čitanjow "Njewuhojeny swět. Zničenje a wobnowjenje w bajce". Rjad čitanjow bu spěchowany wot bajkoweje załožby Waltera Kahna. Jednotliwe přinoški hodźa so na institutnym YouTube-kanalu wotwołać a přihotuja so za wozjewjenje w zběrniku. » dale čitać
|
|
|
|
Łužyca na droze k trajnemu kulturnemu regionoju
|
|
Drugi źěł titela zjawnego pósejźenja, dnja 11. měrca w Złem Komorowje, na kótarež stej pśepšosyłej wótźělenje za regionalne wuwiśe a mjeńšynowy šćit zgromadnje ze Serbskim kulturnym turizmom, jo zněł "Šanse a potenciale serbskego kulturnego turizma". 57 interesentow z turizma, kultury, komunalneje a krajneje politiki a wědomnosći jo se wobźěliło. » cytajśo dalej
|
|
|
|
Dalše nowinki a rozprawy namakaće na našej homepage: www.serbski-institut.de
|
|
|
|
|
|
|
Sorbische Geigen | Serbske husle
Petr Ch. Kalina
wud. Serbski institut
139 str., 63 wobrazow. A5-brošura
ISBN:
|
|
978-3-948166-93-9 (print)
|
978-3-948166-92-2 (online)
|
płaćizna: 12,00 €
lěto wudaća: 2024
|
|
|
|
|
lětopis
Ćišćany zběrnik "Lětopisa – Časopisa za sorabistiku a přirunowace mjeńšinowe slědźenje" ze zhromadźenymi, online wozjewjenymi přinoškami lěta 2023 so přihotuje. Ma přichodnych tydźenjach wuńć.
|
|
|
|
Sorbische Filmlandschaften | Serbske filmowe krajiny
Zhromadny knižny projekt załožby DEFA ze Serbskim institutom. Kniha wuńdźe hišće w nalěću 2024 (w nakładnistwje BERTZ + FISCHER). Wudawaćelej staj Grit Lemke a Andy Räder.
|
Knižna premjera budźe 29. awgusta w Smolerjec kniharni.
|
|
|
|
|
|
Serbski institut z. t.
Madlen Domašcyna (redakcija)
Dwórnišćowa 6
D-02625 Budyšin
tel.: +49 3591 4972-0
faks: +49 3591 4972-14
si@serbski-institut.de
|
|
Wotnožka za delnjoserbske slědźenja
Augusta Bebelowa dróha 82
D-03046 Choćebuz
tel.: +49 355 485 764-82
faks: +49 355 485 764-94
cottbus@serbski-institut.de
|
|
|
|
|
|
